琴日先同大家分享完
最近好hit嘅《金宵大廈》
評論真係超級熱烈！
人稱「御用癲婆」嘅趙希洛
都有份出演噶！
☟
劇中佢飾演一個憶子成狂
最後搶埋人地整個家庭嘅女人
成功「嚇親」一班觀眾！
趙希洛飾演嘅何太
唔止一步步搶人個仔搶人家庭
仲害到徐太被人拉咗入精神病院
觀眾真係睇到咬牙切齒！
不過可樂君都要贊下趙希洛
佢又成功塑造一個「癲婆」角色！
講到趙希洛
原來佢已經入行12年
一直演技在線
就算只係配角都好出彩！
今次出演何太
佢就話係自己史上最恐怖角色
連自己都驚啊：
「呢個角色是我自己都怕，
因為好多眼神都有表現得好凌厲。
而且場景同道具都好恐怖，
好多血淋的場面，但都好玩的！」
又做癲婆角色
怕唔怕被人定型？
「我自己就不介意，
因為呢類角色
通常都給到觀眾深刻印象，
本身發揮空間都好大。
今次我都有參考外國演員去做。」
怕唔怕出街被人話恐怖？
「我擔心沒客戶找我，
記住我真是做好角色的本份，
我真人不是這樣，
今次連李施嬅都說我做得好恐怖，
都不知好事還是壞事。」
well
其實趙希洛私底下
都幾健康陽光噶
成日做運動咁
而且佢同黃智雯好friend
仲一齊去法國讀戲劇課程添！
喺法國影咗唔少靚相
同大家開心share
佢兩個都係2007年
參加港姐嘅時候入行
又一齊入讀2008年
第22期無線電視藝員訓練班
大家嘅生日又好近
同年同月就差十幾日
可以話係超有緣嘅姊妹啊
平時有意無意
會著到好似姊妹裝咁
真係有默契啦
可樂君好期待
佢地讀完書返嚟
可以塑造出更精彩嘅角色！
你覺得趙希洛今次演嘅「癲婆」
滿分10分，你會俾幾多分？
留言話俾可樂君G啦！
官方微信：可樂生活color(colorcolor818)
官方唯一商務合作QQ：1902182069
