前排可樂君就同大家
share過TVB嚟緊喺
綜藝方面嘅新動向，
未睇過嘅朋友仔
可以重溫翻：
就喺琴日，
曾志偉就同好耐
冇喺TVB蒲頭嘅王祖藍，
率領成班藝人，
一齊搞咗個
「超級綜藝 隆重登場」
嘅記者會，
詳細介紹咗呢啲新節目~
wow~
聽個名就好似好架勢啦，
實情又係咩玩法先？
大家最近如果有睇開TVB嘅綜藝
應該都有發現，
近年啲節目基本清一色
都係煮食類，
為數不多嘅音樂節目
《流行經典50年》
都準備折埋。
好多觀眾都覺得
繼續咁落去，
TVB好快就步
亞視嘅後塵噶了，
大家覺得呢？
well~
綜藝節目搞到咁濕滯，
大台嘅高層梗係要做嘢啦！
所以上個月就急call
「獎門人」曾志偉
同王祖藍翻嚟救場。
密謀商議咗成個月之後，
琴日喺記招上面，
佢哋就show off咗
好多嚟緊會出街嘅綜藝節目：
真人show類
《好聲好戲》
王祖藍呢幾年都喺
內地綜藝蒲頭多，
今次翻嚟娘家TVB，
竟然仲帶咗內地
已經玩咗好多期嘅
《聲臨其境》！
呢個配音節目
相信大家都好熟悉啦，
不過喺TVB居然係首創！
今次就搵嚟祥仔阮兆祥
同好戲之人賴慰玲搭檔主持，
鎮台之寶Liza姐汪明荃
仲會擔任主席評委！
聽講已經有好多
小生、花旦報名參加，
佢哋做戲就睇得多了，
唔知配音佢哋又掂唔掂？
《聲夢傳奇》
hold住咗一排嘅
《聲夢傳奇》，
今次就以真人show
嘅方式重新包裝。
仲搵嚟李克勤
擔任星級導師，
有經驗豐富嘅克勤lead住，
參賽者都表現好興奮！
加上最近TVB又同
三大唱片公司破冰，
梗係搵埋佢哋合作，
到時各大唱片公司
都會派出歌手擔任導師。
聽講仲有兩位
神級歌手壓軸登場，
真係好期待啊！！！
音樂類
《勁歌金曲》
之前一直係深夜時段
播放嘅《勁歌金曲》，
終於可以去翻黃金時段啦！
今次仲搵嚟Eric kwok、
糖妹同埋環球新人塗毓麟，
咁新鮮嘅主持組合，
相信到時一定帶到
新嘅火花畀觀眾！
話明係全新改版，
就梗係唔會好似
以前咁各有各唱啦！
今次除咗搵唔同歌手
crossover之外，
台下嘅觀眾仲
可以參與評分，
齊齊揀選上榜歌！
唔再係星夢獨大嘅
《勁歌金曲》聽落
都真係幾有睇頭啵~
《演斗廳》
齋係歌手上台
獻唱唔過癮？
咁jam歌＋遊戲比拼
你又點睇？
今次除咗一眾歌手之外，
仲搵咗唔同界別嘅音樂人，
齊齊邊唱歌邊玩game！
清談節目
《日日媽媽聲》
余安安做戲大家
就見得多啦！
主持節目真係第一次！
主持陣容除咗安安姐之外，
連離巣好多年嘅
mimi羅敏庄都有份！
睇嘅節目名就知，
呢檔節目係畀
各位星媽們
share湊仔經~
聽講安安姐將會
碌盡人情卡，
第一集嘅嘉賓就有
靚靚袁詠儀！
到時記得唔好錯過啦！
《諸朋好友》
呢檔節目其實上年
就已經作為台慶
節目喺TVB播過噶了。
時隔幾個月，
今次就搵嚟產後
復出嘅陳凱琳加盟。
第一集就搵嚟
「胡說八道」做嘉賓！
想知各位嘉賓
有咩猛料爆，
就一定唔好錯過啦~
綜合live show
《開心大綜藝》
呢幾年TVB極少
做直播節目，
就連台慶、港姐
都試過錄播。
大家都知直播節目
最考嘉賓同主持嘅功架，
今次呢個live show，
形式有啲類似
《歡樂今宵》。
搞gag、扮嘢、唱歌等
統統都有，
到時就可以睇下
各位藝人嘅
臨場發揮能力啦！
今次TVB一口氣
推介咁多綜藝節目，
睇得出佢哋今次
真係好想挽回
一直係咁跌嘅收視。
睇介紹好似每個節目
嘅主持同內容
都幾有意思，
唔知到時出街又會點呢？
大家又比較睇好
邊個節目啊？
留言話畀可樂君知啦！
More · 今日娛樂看點
張少華因病去世
本月23號，
知名演員張少華，
因病喺北京逝世，
希望張老師一路走好！
《總是有愛在隔離》發布預告
今日，眾星雲集嘅
香港抗疫電影
《總是有愛在隔離》，
發布終極預告，
並於4.22喺香港上畫。
《青春有你3》將延遲上線
《青春有你3》
受贊助商的影響，
原定今晚7點上線嘅
第11期正片將延遲上線。
資料來源：微博、劇照
節目截圖
互聯網綜合整理
編輯：彭琳
*文中圖片版權歸原作者所有，如有問題，請與原作者聯繫
掃描下方二維碼
進入可樂生活小店
▼
海鮮包送到屋企
你都可以做廚神
▼
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
