港姐之前搞完擺pose比賽
最近又有新嘢玩啦！
→港姐奇怪蒲士Battle笑爆嘴！
你哋周末有冇睇電視呢？
可樂君一打開TVB
就見到Do姐主持嘅《港姐有問題》
成功突圍嘅15位佳麗
有一晚時間做準備
上節目接受提問及記憶力考驗
聽落好似好犀利
繼美貌之後
係佳麗智慧大PK？！
Sorry
個節目真係好尷尬
甚至睇到有少少懷疑人生
節目有幾個環節
首先係佳麗嘅自我介紹
俾D節選大家感受一下
陳煦凝：
“我係嗰個由130磅大肚腩，
變成90磅馬甲線嘅Amber。”
“我係女版金宇彬，
唔好睇我外表斯斯文文，
其實我可以着五寸高踭鞋
落地盤嘅陳楨怡。”
呢個應該係一個
接受被黑與自黑嘅環節
等佳麗放開D個心態
面對網友嘅評價
因為個自我介紹幾special
可樂君聽完之後
對每位佳麗嘅印象係深刻咗！
But
接下來真係越來越估佢唔到
Do姐都話好騎呢！
話咁快嚟到咗背誦環節
因為港姐將來可能做主持之類嘅工作
所以記憶力對佢哋嚟講好重要
開頭都好正常背下中英詩詞
印象中Lisa超勁
背英文詩背得好流暢
係咪叫Lisa嘅都特別犀利呢？
至於其他人
大部分係“公開處刑”
好似學堂老師抽背書
心情好緊張背唔出
超尷尬啊！
背穴位都好D
嗰幾位背電話number
以及茶餐廳menu嘅佳麗最慘
因為內容關聯程度冇咁強
真係靠死記硬背
而且背menu真係好搞笑
令你坐喺公仔箱前
有種入咗茶餐廳嘅feel
甚至有D餓想落單點嘢食
最後
節目更加係變咗
臨急抱佛腳之
中小學生問答比賽？！
主持人分別考佳麗天文地理科、
語文科、中史科三個項目
小測之前係有時間俾佳麗溫習嘅
各位睇到題目
有冇中小學生知識競賽嘅感覺？
咁樣選出嚟嘅Queen of Knowledge
真係純屬搞笑lor！
終極題目
問題係Do姐點解叫DoDo？
大家都好用心擦鞋
睇完可以收穫一個
毫無用處嘅冷知識！
↓
well
雖然節目好多尷尬環節
但都係為咗大家茶餘飯後有嘢傾嗻
我哋又唔使咁mean嘅
笑完就算啦！
嗱
早前投票選12強佳麗
好多網民都紛紛發表自己意見
唔G你嘅心水係邊位呢？
覺得邊個最醒最有冠軍相？
而今日最新出爐12強佳麗
侯嘉欣竟然出局
同樣出局嘅仲有賴琦媛、張盈悅
你嘅心水有冇成功入圍？
More · 今日娛樂看點
姜素拉宣布結婚
曾出演《陽光姐妹淘》《未生》
《Doctor異鄉人》等劇集的姜素拉
與年上圈外男友結婚啦，
修成正果恭喜曬！
向太出院
向太發文透露自己
7月13號因心梗入院急救
情況十分危急
昨日下午完成所有療程出院回家
奉勸大家珍惜眼前人
陳可辛發文
電影《奪冠》終於官宣定檔
導演陳可辛發文感謝女排姑娘！
“拍了三十年電影，
以前歷盡的所有酸甜苦辣，
在這都不算什麼。
能熬到今天，
就靠中國女排四個字。”
資料來源：微博
TVB官博
編輯：Junko
*文中圖片如涉及侵權請聯繫，立即刪除
點擊下圖或掃二維碼
get最新669期《可樂生活》
▼
海鮮包送到屋企
你都可以做廚神
▼
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
官方唯一商務合作QQ：19021820609
-
-
-
-
-
-
-
-
-
-