前排可乐君就同大家
share过TVB嚟紧喺
综艺方面嘅新动向，
未睇过嘅朋友仔
可以重温翻：
就喺琴日，
曾志伟就同好耐
冇喺TVB蒲头嘅王祖蓝，
率领成班艺人，
一齐搞咗个
“超级综艺 隆重登场”
嘅记者会，
详细介绍咗呢啲新节目~
wow~
听个名就好似好架势啦，
实情又系咩玩法先？
大家最近如果有睇开TVB嘅综艺
应该都有发现，
近年啲节目基本清一色
都系煮食类，
为数不多嘅音乐节目
《流行经典50年》
都准备折埋。
好多观众都觉得
继续咁落去，
TVB好快就步
亚视嘅后尘噶了，
大家觉得呢？
well~
综艺节目搞到咁湿滞，
大台嘅高层梗系要做嘢啦！
所以上个月就急call
“奖门人”曾志伟
同王祖蓝翻嚟救场。
密谋商议咗成个月之后，
琴日喺记招上面，
佢哋就show off咗
好多嚟紧会出街嘅综艺节目：
真人show类
《好声好戏》
王祖蓝呢几年都喺
内地综艺蒲头多，
今次翻嚟娘家TVB，
竟然仲带咗内地
已经玩咗好多期嘅
《声临其境》！
呢个配音节目
相信大家都好熟悉啦，
不过喺TVB居然系首创！
今次就揾嚟祥仔阮兆祥
同好戏之人赖慰玲搭档主持，
镇台之宝Liza姐汪明荃
仲会担任主席评委！
听讲已经有好多
小生、花旦报名参加，
佢哋做戏就睇得多了，
唔知配音佢哋又掂唔掂？
《声梦传奇》
hold住咗一排嘅
《声梦传奇》，
今次就以真人show
嘅方式重新包装。
仲揾嚟李克勤
担任星级导师，
有经验丰富嘅克勤lead住，
参赛者都表现好兴奋！
加上最近TVB又同
三大唱片公司破冰，
梗系揾埋佢哋合作，
到时各大唱片公司
都会派出歌手担任导师。
听讲仲有两位
神级歌手压轴登场，
真系好期待啊！！！
音乐类
《劲歌金曲》
之前一直系深夜时段
播放嘅《劲歌金曲》，
终于可以去翻黄金时段啦！
今次仲揾嚟Eric kwok、
糖妹同埋环球新人涂毓麟，
咁新鲜嘅主持组合，
相信到时一定带到
新嘅火花畀观众！
话明系全新改版，
就梗系唔会好似
以前咁各有各唱啦！
今次除咗揾唔同歌手
crossover之外，
台下嘅观众仲
可以参与评分，
齐齐拣选上榜歌！
唔再系星梦独大嘅
《劲歌金曲》听落
都真系几有睇头啵~
《演斗厅》
斋系歌手上台
献唱唔过瘾？
咁jam歌＋游戏比拼
你又点睇？
今次除咗一众歌手之外，
仲揾咗唔同界别嘅音乐人，
齐齐边唱歌边玩game！
清谈节目
《日日妈妈声》
余安安做戏大家
就见得多啦！
主持节目真系第一次！
主持阵容除咗安安姐之外，
连离巣好多年嘅
mimi罗敏庄都有份！
睇嘅节目名就知，
呢档节目系畀
各位星妈们
share凑仔经~
听讲安安姐将会
碌尽人情卡，
第一集嘅嘉宾就有
靓靓袁咏仪！
到时记得唔好错过啦！
《诸朋好友》
呢档节目其实上年
就已经作为台庆
节目喺TVB播过噶了。
时隔几个月，
今次就揾嚟产后
复出嘅陈凯琳加盟。
第一集就揾嚟
“胡说八道”做嘉宾！
想知各位嘉宾
有咩猛料爆，
就一定唔好错过啦~
综合live show
《开心大综艺》
呢几年TVB极少
做直播节目，
就连台庆、港姐
都试过录播。
大家都知直播节目
最考嘉宾同主持嘅功架，
今次呢个live show，
形式有啲类似
《欢乐今宵》。
搞gag、扮嘢、唱歌等
统统都有，
到时就可以睇下
各位艺人嘅
临场发挥能力啦！
今次TVB一口气
推介咁多综艺节目，
睇得出佢哋今次
真系好想挽回
一直系咁跌嘅收视。
睇介绍好似每个节目
嘅主持同内容
都几有意思，
唔知到时出街又会点呢？
大家又比较睇好
边个节目啊？
留言话畀可乐君知啦！
More · 今日娱乐看点
张少华因病去世
本月23号，
知名演员张少华，
因病喺北京逝世，
希望张老师一路走好！
《总是有爱在隔离》发布预告
今日，众星云集嘅
香港抗疫电影
《总是有爱在隔离》，
发布终极预告，
并于4.22喺香港上画。
《青春有你3》将延迟上线
《青春有你3》
受赞助商的影响，
原定今晚7点上线嘅
第11期正片将延迟上线。
资料来源：微博、剧照
节目截图
互联网综合整理
编辑：彭琳
*文中图片版权归原作者所有，如有问题，请与原作者联系
扫描下方二维码
进入可乐生活小店
▼
海鲜包送到屋企
你都可以做厨神
▼
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
