估佢得20岁？日本人畀Baby真实年龄吓亲

Angelababy同黄晓明成婚之后，三年前仲升呢做埋妈咪，不过佢外形都冇乜点变，唔识佢嘅人都会以为佢系少女，近日佢去日本拍综艺节《潮流合伙人》时，就有当地顾客话以为Baby得20岁！

参与呢个节目嘅艺人有Baby、吴亦凡同潘玮柏等，佢哋喺东京经营一间潮流服装店，拍摄期间有顾客入内，Baby可以轻松同对方交谈，其他艺人都畀佢嘅流利日语吓一跳，其实Baby出道初期有一段时间喺日本发展，所以日语对答对佢嚟讲系应付自如。其中有妈咪级顾客带埋小朋友一齐嚟睇衫，Baby主动同小朋友倾偈，仲同对方分享育儿心得，当Baby透露自己仔都三岁大时，对方唔敢相信仲话：“非常年轻，我以为妳才20岁。”Baby有啲尴尬坦言自己已经30岁，对方知道佢真实年龄之后更加唔相信仲话：“完全看不出来，好厉害！”